མི་ཚེའི་སྙིང་པོ།

འཛམ་གླིང་འཁོར་བའི་ས་སྟེང་། འཇིག་པའི་རང་བཞིན་ཡིན་ན་ཡང་། 

མི་ལུས་འཐོབ་ཁན་སྤྲང་པོ། བདེ་བ་ཡུད་ཙམ་ཅིག་གེ། 

ཆགས་པ་ཞེན་པ་བསྐྱེད་དེ། སྡུག་བསྔལ་སེམས་མས་མ་བསམ། 

དམ་ཆོས་སྒྲུབ་པ་མ་ཚུགས། དོན་མེད་མི་ཚེ་ཕྲོ་བརླག། 

སོང་ཚེ་འགྱོད་པ་བསྐྱེད་རུང་། ལོག་པའི་ཐབས་ཅིག་མ་འབྱུང་། 

རང་གི་དྲིན་ཆེན་ཨ་མ། ལྷ་མོའི་ཞལ་རས་འབག་སྟེ། 

བྱམས་བརྩེ་ཚད་མེད་སྐྱོངས་ཚེ། བུ་ཚ་དགའ་སྐྱིད་དྲག་སྟེ། 

ཕ་མའི་ཚེའི་ཚད་མ་ཤེས། དགྲ་ཆེན་འཆི་བ་འོང་ཚེ། 

བུ་ཚ་མི་གྲལ་བཞུགས་པའི། ན་ཚོད་རན་ཧིང་མ་བལྟ། 

ད་ལྟ་མཐོང་ས་མེད་པ། འདྲིན་ལན་འཇལ་ཐབས་མ་འབྱུང་།

དམ་ཚིག་ཅན་གྱི་ཨ་ཞེ། ལོ་དང་ན་ཚོད་ཆུང་རུང་། 

ཨ་མའི་འགན་འཁུར་འཕོག་སྟེ། སྤུན་ལ་རྐང་ཐངས་དྲངས་སེ། 

བྱམས་བརྩེ་མྱོངས་འཁན་ཉུང་པོ། ཨ་ཞེའི་ན་གཟུགས་མ་འཚོར། 

ཚེ་སྒང་དཀའ་བ་དཔྱད་དེ། ན་ཐན་གྲུབ་འབྲས་འབྱུང་ཚེ། 

གློ་འབུར་ཚེ་ལས་འདས་ཚེ། གཉིད་ལམ་དངོས་སུ་མ་ཤེས། 

སྐྱེས་པའི་ཁ་ཚིག་ལྡན་པའི། ངའི་གི་ཡབ་རྗེ་དམ་པ། 

བཟའ་ཚང་དགའ་སྐྱིད་དོན་གེ། དཀའ་བ་གནག་པུ་དཔྱད་དེ། 

རེ་བ་ཐམས་ཅད་བཀང་སེ། ལངས་ཤོར་བུ་ཚ་ང་ཀིས། 

དཀའ་སྡུག་ཡང་ལྗིད་མ་ཤེས། ད་ལྟན་སོན་པོ་ཡོད་རུང་། 

རང་གི་འཁོར་བའི་མི་ཚེ། སྐྱོངས་སང་རེ་བ་བསྐྱེད་དེ། 

བར་ལས་ལ་ལུང་གཅད་དེ། ལཱ་དང་གཡོག་གིས་བཀག་སྟེ། 

གདོང་བསྐོར་འཛོམས་སང་མེད་ཚེ། ཉོན་མོངས་འཁོར་བའི་མི་ཚེ། 

མི་ལུས་འཐོབ་སྟེ་འབད་རུང་། དོན་དག་སྙིང་པོ་ཡོད་གམ?